Ang Sulat ni Tatay

Minamahal kong anak,

          Medyo mabagal akong mag type ngayon dahil alam kong mabagal ka naman magbasa.  Nandito na kami sa probinsya para tirahan ang bagong bili na bahay.  Pero hindi ko maibigay sa iyo ang address dahil dinala ng dating nakatira ang number para daw hindi na sila magpapalit ng address.

          Maganda ang lugar na ito at malayo sa Maynila. Dalawang beses lang umulan sa linggong ito, tatlong araw noong una at apat na araw noong pangalawa.

          Nakakainis lang ang mga paninda dito!  Katulad na lang nung nabili kong shampoo, ayaw bumula!  Nakasulat FOR DRY HAIR kaya naman hindi ko binabasa ang buhok ko pag ginagamit ko.  Mamaya ay ibabalik ko sa tindahan at magrereklamo ako.

          Noong isang araw naman ay hindi ako makapasok sa bahay dahil ayaw bumukas ng padlock.  Nakasulat kasi ay YALE, eh aba namalat na ako sa kasisigaw ay hindi pa din bumubukas.  Magrereklamo din ako sa nagbenta ng bahay...  aba’y akala ba nila hindi ko alam na ‘sigaw’ ang tagalog ng YALE, aba’y wais yata ito!

          Mayroon nga pala akong nabili na magandang jacket at tiyak na magugustuhan mo.  Ipinadala ko na sa iyo pero dahil medyo mahal daw kasi mabigat ang mga botones kaya ang ginawa ko ay tinanggal ko na lang ang mga botones at inilagay ko na lang sa bulsa ng jacket.  Ikabit mo na lang pag dating diyan.

          Nagpadala rin ako ng tseke para sa mga nasalanta ng bagyo, hindi ko na pinirmahan dahil gusto ko na maging anonymous donor.

          Ang kapatid mo palang si Jhun ay may trabaho na dito, mayroon siyang 500 na tao na under sa kanya.  Nag-gugupit siya ngayon ng damo sa memorial park, okey naman ang kita above minimum ang sahod.

          Nakapanganak na rin pala ang Ate Baby mo, hindi ko pa alam kung babae o lalaki kaya hindi ko pa masasabi kung ikaw ay bagong uncle or auntie...

          Isa pa nga pala, babalik ako diyan sa Oktubre pero naguguluhan ako!  Diba yung Victory Liner, BLTB Liner, Pascual Liner at Alfonso Liner ay mga pampasaherong bus.  Yung Panty Liner, bus din ba yun?  Saan ba ang Terminal nila?

          At saka nga pala, may nag-interview sa akin diyan at nakalimutan kong banggitin sa iyo, taga Magandang Umaga Bayan daw siya at nakunan ako sa TV.  Ang tanong sa akin ay ano raw sa salitang Inggles ang Kulangot.  Di ko nasagot... ikaw anak, alam mo?

          Wala na akong masyadong balita.  Hanggang sa muli, anak.  Marami pa kasi akong aasikasuhin.  Isasauli ko pa yung shampoo at hahanapin ko pa yung terminal ng Panty Liner.    

                                                                                          Love,

                                                                                          Tatay

P.S.  Maglalagay sana ako ng pera kaya lang ay naisara ko na ang envelope.  Next time na lang ha!